சென்னை கிராண்ட் மாஸ்டர்ஸ் செஸ் தொடரின் சேலஞ்சர்ஸ் பிரிவில் தமிழக வீரர் V பிரணவ் ஹாட்ரிக் வெற்றியை பதிவு செய்து, தொடரில் முன்னிலை வகிக்கிறார்.
சென்னை கோட்டூர்புரத்தில் உள்ள அண்ணா நூற்றாண்டு நூலக அரங்கத்தில், சென்னை கிரான்ட் மாஸ்டர்ஸ் செஸ் தொடரின் மாஸ்டர்ஸ் மற்றும் சேலஞ்சர்ஸ் பிரிவுகளின் 2-வது சுற்று போட்டிகள் நடைபெற்றன.
இந்த போட்டியில் ஹாட்ரிக் வெற்றியை பதிவு செய்த தமிழக வீரர் V பிரணவ் புள்ளி பட்டியலில் முதல் இடத்தில் நீடிக்கிறார்.
இதேபோல் சென்னை கிராண்ட் மாஸ்டர்ஸ் – மாஸ்டர்ஸ் செஸ் போட்டியில் இந்தியாவின் அர்ஜுன் எரிகைசி 2 வது இடத்திற்கு முன்னேறியுள்ளார். 2-வது சுற்று போட்டியில் இந்திய வீரர் அர்ஜுன் எரிகைசி, செர்பியாவின் சரணா அலெக்ஸியை வீழ்த்தி வெற்றி பெற்றார். மேலும் அர்ஜூன் எரிகைசி 2 வெற்றி, ஒரு டிரா உடன் 2.5 புள்ளிகள் பெற்று இரண்டாவது இடத்திற்கு முன்னேறியுள்ளார்.
