அருந்ததியர்களுக்கு வழங்கப்பட்ட 3 சதவீத இட ஒதுக்கீட்டால் தேவேந்திர குல வேளாளர் சமூகத்தினரும், ஆதி திராவிடர் சமூகத்தினரும் பாதிக்கப்படுவதாக புதிய தமிழகம் கட்சி தலைவர் கிருஷ்ணசாமி தெரிவித்துள்ளார்.
அருந்ததியர் உள் இட ஒதுக்கீட்டை ரத்து செய்ய வலியுறுத்தி ஆளுநர் ஆர்.என்.ரவியிடம் புதிய தமிழகம் கட்சி தலைவர் கிருஷ்ணசாமி மனு அளித்துள்ளார்.
பின்னர் செய்தியாளர்களிடம் பேசிய அவர், அருந்ததியருக்கான 3 சதவீத உள் இட ஒதுக்கீட்டை ரத்து செய்வதன் அவசியம் குறித்து ஆளுநரிடம் மனு அளித்ததாக தெரிவித்தார்.
மாஞ்சோலை தேயிலை தோட்ட தொழிலாளர்களின் வாழ்வுரிமையை நிலைநாட்டுவது குறித்தும் ஆளுநரிடம் விவாதித்ததாக கூறினார். மேலும், இட ஒதுக்கீட்டுக்கு தான் எதிரியல்ல என்றும், உள் இட ஒதுக்கீட்டை மட்டுமே எதிர்ப்பதாகவும் கிருஷ்ணசாமி கூறினார்.
