திருமலை திருப்பதி தேவஸ்தான முன்னாள் அறங்காவலர் குழு தலைவர் டி.கே. ஆதிகேசவலு நாயுடுவின் பேத்தி தேஜஸ்வி முத்துக்கள் பதிக்கப்பட்ட சுமார் 2 கோடி ரூபாய் மதிப்பிலான தங்க வைஜெயந்தி மாலையை ஏழுமலையானுக்கு காணிக்கையாக வழங்கினார்.
தேவஸ்தானம் சார்பில் அந்த மாலையை அறங்காவலர் குழு தலைவர் பி.ஆர். நாயுடு பெற்றுக் கொண்டார். காணிக்கையாக வழங்கப்பட்ட தங்க வைஜெயந்தி மாலை உற்சவமூர்த்திகளுக்கு அலங்கரிக்கப்பட உள்ளது.
இதேபோல திருச்சானூர் பத்மாவதி தாயாருக்கும் தங்க வைஜெயந்தி மாலை ஒன்றை காணிக்கையாக வழங்கவுள்ளதாக தேஜஸ்வி தெரிவித்தார்.
