திருநெல்வேலி மேலப்பாளையம் அலங்கார் திரையரங்கு வளாகத்திற்குள் பெட்ரோல் குண்டு வீசப்பட்ட சம்பவம் குறித்து போலீசார் தீவிர விசாரணை மேற்கொண்டு வருகின்றனர்.
நெல்லை மேலப்பாளையத்தில் உள்ள அலங்கார் சினிமாஸ் திரையரங்கில் சிவகார்த்திகேயன் நடித்த அமரன் திரைப்படம் வெற்றிகரமாக ஓடிக்கொண்டிருக்கிறது.
இந்நிலையில், இன்று அதிகாலை, மர்மநபர்கள் 2 பேர், திரையரங்கின் வளாகத்திற்குள் மூன்று பெட்ரோல் குண்டு பாட்டில்களை வீசி சென்றுள்ளனர். இந்த சம்பவத்தில், அதிர்ஷ்டவசமாக யாருக்கும் எந்த காயமும் ஏற்படவில்லை.
திரையரங்கிற்கும் எந்த சேதமும் இல்லை. இதற்கிடையே பெட்ரோல் குண்டு வீசப்பட்ட சம்பவம் தொடர்பான சிசிடிவி காட்சிகள் வெளியாகி உள்ளது. இதனையடுத்து சிசிடிவி காட்சிகளை கொண்டு போலீசார் தீவிர விசாரணை மேற்கொண்டுள்ளனர்.
