திருக்கோவிலூர் அருகே சேதமடைந்த சாலையை சீரமைக்க வலியுறுத்தல் – நாற்று நடும் போராட்டத்தில் ஈடுபட்ட கிராம மக்கள்!

கள்ளக்குறிச்சி மாவட்டம் திருக்கோவிலூர் அருகே சேதமடைந்த சாலையை சீரமைக்கக்கோரி பொதுமக்கள் நாற்று நடும் போராட்டத்தில் ஈடுபட்டனர்.

எலராம்பட்டு கிராமத்தில் உள்ள சாலை சீரமைக்கப்படாததால் சேரும், சகதியுமாக காட்சியளிக்கிறது. இது குறித்து பலமுறை புகாரளித்தும் எந்த வித நடவடிக்கையும் எடுக்கவில்லை என குற்றம் சாட்டிய அப்பகுதியினர், சாலையில் நாற்று நட்டு போராட்டத்தில் ஈடுபட்டனர்.

மேலும் இதேநிலை தொடர்ந்தால் சாலை மறியல் போராட்டத்தில் ஈடுபடுவோம் என்றும் அப்பகுதி மக்கள் எச்சரிக்கை விடுத்துள்ளனர்.