உத்தரபிரசேதத்தில் வரும் 22ஆம் தேதி நடைபெறும் 70-வது அகில பாரதிய வித்யார்த்தி பரிஷத் மாநாட்டிற்கு தலைமை விருந்தினராக ZOHO கார்ப்பரேஷன் CEO ஸ்ரீதர் வேம்பு கலந்துகொள்கிறார்.
70-வது அகில பாரதீய வித்யார்த்தி பரிஷத் தேசிய மாணவர் அமைப்பின் அகில பாரத மாநாடு உத்திரபிரதேச மாநிலம் கோரக்பூரில் வரும் 22ஆம் தேதி முதல் 24ஆம் தேதி வரை நடைபெற உள்ளது.
இந்த மாநாட்டில் நாட்டிலுள்ள கல்வி பிரச்னைகள், விவாதங்கள், முக்கிய தீர்மானங்கள், சேவை பணிகளில் சிறந்து விளங்கியதற்காக இளம் சாதனையாளர் விருது ஆகிய நிகழ்வுகள் நடைபெற உள்ளது.
குறிப்பாக தமிழகத்தின் முக்கியமான கல்வி பிரச்னைகள் குறித்தும் இந்த மாநாட்டில் விவாதிக்கப்படவுள்ளது. இதில் தமிழகத்திலிருந்து 15 மாநில பொறுப்பாளர்கள் கலந்து கொள்கின்றனர்.
இந்த ABVP மாநாட்டிற்கு தென்காசி மாவட்டத்தை சார்ந்த ZOHO கார்ப்பரேஷன் CEO ஸ்ரீதர் வேம்பு தலைமை விருந்தினராக கலந்து கொள்கிறார். மேலும், காஷ்மீர் முதல் கன்னியாகுமரி வரை உள்ள மாநில பொறுப்பாளர்களும் பங்கேற்க உள்ளதாக ABVP தென் தமிழக மாநில இணை செயலாளர் J.D.விஜயராகவன் தெரிவித்துள்ளார்.
