மகாராஷ்டிரா மாநிலம் அஹேரியில் சட்டமன்ற தேர்லை முன்னிட்டு, வாக்குச் சாவடி பணியாளர்கள் ஹெலிகாப்டர் மூலம் அழைத்துவரப்பட்டனர்.
மகாராஷ்டிரா மாநிலத்தில் வரும் 20ம் தேதி ஒரே கட்டமாக 288 தொகுதிகளுக்கும் வாக்குப்பதிவு நடைபெற உள்ளது. 4 ஆயிரத்து 140 வேட்பாளர்கள் களத்தில் உள்ள நிலையில், சுமார் 9 புள்ளி 63 கோடி வாக்காளர்கள் வாக்களிக்க தயராக உள்ளனர்.
இந்நிலையில், அஹேரி சட்டமன்றத் தொகுதியில் உள்ள 76 வாக்குச் சாவடிகளுக்கு, விமானப் படையின் எம்ஐ-17 ஹெலிகாப்டர்கள் மூலம் அனைத்து வாக்குச்சாவடி பணியாளர்களும் அழைத்து செல்லப்பட்டனர். மின்னணு வாக்குப்பதிவு இயந்திரங்களும் எடுத்து செல்லப்பட்டன.
