லேடி சூப்பர் ஸ்டார் நயன்தாரா பிறந்த நாள் – சிறப்பு தொகுப்பு!

இன்று பிறந்த நாள் காணும் லேடி சூப்பர் ஸ்டார் நயன்தாராவின் திரையுலக பயணம் குறித்து ஒரு செய்தித் தொகுப்பை தற்போது பார்க்கலாம்.

நடிகை ஆவேன்றும், இந்த அளவுக்கு புகழ் பெறுவேனென்றும் என்னைக்கும் எதிர்பார்த்ததில்ல. இப்படி சொல்லிட்டு இருக்கவங்க தான் ஸ்டார் ஆயிடறாங்க. இந்த லிஸ்ட்ல ரொம்ப முக்கியமான ஸ்டார் தான் நயன்தாரா. இப்பல்லாம் என்னங்க கியூட்…அப்பவே, ஒரு வார்த்த கேட்க ஒரு வருஷம் என்ற பாட்டு மூலமா ரசிகர்கள் மனதுல நீங்கா இடம் புடிச்சிட்டாங்க நயன்தாரா.

சூப்பர் ஸ்டார் கூட ஒரு படம் நடிச்சாலே நாம ட்ரெண்ட் ஆயிருவோம்னு நினைச்சிட்டு இருக்குறவங்களுக்கு மத்தியில, சூப்பர் ஸ்டார் கூட நடிச்சு அவருடைய செல்லப்பட்டத்தையே பேருக்கு முன்னால வெச்சிக்கிட்டு, அதுல எக்ஸ்ட்ரா bonusa , ladya சேர்த்து லேடி சூப்பர் ஸ்டார் நயன்தாரான்னு ரசிகர்களால அன்பால அழைக்கப்படுறாங்க. அடுத்தடுத்து வல்லவன், கஜினி, யாரடி நீ மோகினி படங்கள்ல பயங்கர பிஸியா இருந்தாங்க.

ஒரு கட்டத்துல திருப்புமுனையா அமைஞ்சதுனா, பில்லா படத்த சொல்லலாம். இப்ப இருக்குற ஃபீல்டு எல்லாம் நம்ம இருக்கணும்னா கொஞ்சம் கிளாமர்ல இறங்குனா மட்டும்தான் முடியும்னு இறங்கினதுதான் பில்லா படம். இந்தப் படம் அஜித்துக்கு எப்படி கை கொடுத்துச்சோ அதே மாதிரி நயன்தாராவுக்கும் பயங்கரமா கை கொடுத்துச்சுன்னு சொல்லலாம்.

ஒரு கட்டத்துல கொஞ்சம் வெயிட் ஏறிட்டாங்க. அந்த டயத்துல பயங்கரமான நெகட்டிவ் கமெண்ட்ஸ் வர ஆரம்பிச்சுருச்சு. அந்த கட்டத்துல பட வாய்ப்பு இல்லன்னு சொல்லலாம். இப்படி போயிட்டு இருக்க நேரத்துலதான் மொத்தமா அவங்களுடைய இடையை குறைத்து ஸ்லிம் பியூட்டியா ராஜா ராணியில தோன்றினாங்க.

இப்படியே போயிட்டு இருந்த நயன்தாரா வாழ்க்கையில் பல சலசலப்புகளும் எழுந்துச்சு. ஆனாலும் இதுக்கெல்லாம் முற்றுப்புள்ளி வைக்கிற விதமா நானும் ரவுடிதான் படம் அமைஞ்சதுன்னே சொல்லலாம். இங்க விக்னேஷ் சிவனும் நயன்தாராவும் காதலிக்க, அந்த காதல் சூர்யா ஜோதிகாவுக்கு பிறகு பயங்கர எதிர்பார்ப்பாய் இருந்துச்சு.

என்னதான் நடிகர்களோட சேர்ந்து நடிகையுடைய நடிப்பு வெளிவந்தாலும், பெண்கள் சம்பந்தமாக எடுக்கிற படங்கள் ஹிட்டு கொடுத்தாதான் அங்க பில்டப்பே. அதிலும் நயன்தாரா தோத்து போலன்னு சொல்லலாம். கோலமாவு கோகிலா, இமைக்கா நொடிகள், மூக்குத்தி அம்மன் ஆகிய பல படங்கள் எடுத்துக்காட்டாகவே இருந்துச்சு.

தென் சினிமாவை தவிர வேறு எந்த படங்களிலுமே நடிக்க மாட்டேன்னு சொல்லிட்டு இருக்க நயன்தாராவையே பாலிவுட்டுக்கு அழைச்சிட்டு போயிருந்தார் ஜவான் படம் மூலமா அட்லீ.

அப்ப இருந்த மார்க்கெட் இப்ப வரைக்கும் குறையாத ஒரே ஆளு சூப்பர் ஸ்டார் ரஜினிதான். இந்த சூப்பர் ஸ்டார் பட்டம் சரியாக பொருந்தும்னா அது நயன்தாராக்கு தான். ரஜினி மாதிரியே நயன்தாராவுக்கும் மார்க்கெட் இன்னமும் குறையவே இல்லை. மொத்தத்துல சொல்லணும்னா தங்கமே உன்ன தான் இந்த தமிழ் சினிமா தேடிக்கிட்டே இருக்கு அப்படின்னு செல்லம்மா சொல்லலாம்.