பாலஸ்தீனத்துக்கு இந்தியா 2-ஆம் கட்டமாக 2.5 மில்லியன் டாலர் நிதியுதவி!

போர் பாதித்த பாலஸ்தீனத்துக்கு உதவும் வகையில், இந்தியா 2-ஆம் கட்டமாக 2.5 மில்லியன் டாலர் நிதியுதவி அளித்துள்ளது.

இதையொட்டி, ஐ.நா. அகதிகள் முகமையிடம் இந்த நிதி ஒப்படைக்கப்பட்டதாக பாலஸ்தீனத்துக்கான இந்திய தூதரகம் தெரிவித்துள்ளது. போரால் பாதிக்கப்பட்ட பாலஸ்தீனத்துக்கு ஐந்து மில்லியன் டாலர் நிதியுதவி அளிக்கப்படும் என இந்தியா ஏற்கெனவே உறுதியளித்திருந்தது. இதையொட்டி, முதல் தவணையாக 2.5 மில்லியன் டாலர் நிதி அனுப்பி வைக்கப்பட்ட நிலையில், தற்போது இரண்டாம் தவணை நிதியும் விடுவிக்கப்பட்டுள்ளது.