பொள்ளாச்சியில் உதவி துணை காவல் கண்காணிப்பாளரை மிரட்டிய விசிக தெற்கு மாவட்ட செயலாளரை போலீசார் கைது செய்தனர்.
கடந்த 17-ம் தேதி மாலை கோவை-பொள்ளாச்சி சாலையில் உள்ள வடக்கிபாளையம் பிரிவில், விசிக சார்பில் வைக்கப்பட பேனர்களை விபத்துக்கள் ஏற்படும் அபாயம் உள்ளதால் அகற்றக்கோரி காவல்துறை சார்பில் அறிவுறுத்தப்பட்டது. இது தொடர்பாக கோவை தெற்கு மாவட்ட செயலாளர் அசோக் குமார், உதவி துணை காவல் கண்காணிப்பாளர் சிருஷ்டி சிங்கிடம் தொலைபேசியில் தொடர்புகொண்டு பேசியுள்ளார்.
அப்போது தகாத வார்த்தைகளால் பேசி கொலை மிரட்டல் விடுத்ததாக கூறப்படுகிறது. இது தொடர்பாக அளிக்கப்பட்ட புகாரின் பேரில் வழக்குப்பதிவு செய்த கிழக்கு காவல் நிலைய போலீசார் அசோக் குமார் மீது வழக்குப்பதிவு செய்து அவரை கைது செய்தனர்.
