கேரளாவில் இருந்து தஞ்சாவூருக்கு கடத்தப்பட்ட ஆயிரம் கிலோ குட்கா பொருட்களை போலீசார் பறிமுதல் செய்தனர்.
கேரளாவில் இருந்து பட்டுக்கோட்டை பகுதிக்கு குட்கா கடத்தப்படுவதாக போலீசாருக்கு ரகசிய தகவல் கிடைத்தது. இதனையடுத்து அப்பகுதியில் வாகன சோதனையில் ஈடுபட்ட தனிப்படை போலீசார் அவ்வழியாக வந்த காரை நிறுத்தி சோதனையிட முயன்றனர்.
ஆனால் கார் நிற்காமல் சென்றதால் அதனை விரட்டி பிடித்த அதிகாரிகள் சோதனையில் ஈடுபட்டனர். அப்போது காரில் சுமார் ஆயிரம் கிலோ குட்கா பொருட்கள் இருப்பது தெரியவந்தது. அவற்றை பறிமுதல் செய்த அதிகாரிகள், காரில் இருந்த 5 பேர் உள்பட 6 பேரை கைது செய்தனர்.
