இஸ்ரோவின் 100ஆவது ராக்கெட்டான ஜிஎஸ்எல்வி எப்-15 ராக்கெட் வெற்றிகரமாக விண்ணில் பாய்ந்தது.
விண்வெளி துறையில் உலக நாடுகள் திரும்பி பார்க்கும் வகையில், இஸ்ரோவின் 100-வது ராக்கெட் இன்று விண்ணில் ஏவப்பட்டது. காலை 6 மணி 23 நிமிடத்தில் ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தின் 2-வது ஏவுதளத்தில் இருந்து என்.வி.எஸ்-2 செயற்கைக்கோளை சுமந்தபடி ஜி.எஸ்.எல்.வி. எப்-15 ராக்கெட் விண்ணில் பாய்ந்தது.
இதனையடுத்து விஞ்ஞானிகள் ஒருவரையொருவர் கட்டித் தழுவியும், கை கொடுத்தும் வாழ்த்து தெரிவித்துக் கொண்டனர். ஜி.எஸ்.எல்.வி. எப்-15 ராக்கெட்டின் முதல் நிலை வெற்றிகரமாக பிரிந்ததாக இஸ்ரோ தெரிவித்துள்ளது.
இந்த ராக்கெட், ஜி.பி.எஸ்.சேவை அளிப்பதற்கான என்.வி.எஸ் -1 என்ற செயற்கைக்கோளை விண்ணில் நிலை நிறுத்தும். இந்த NVS -2 செயற்கைக்கோள், தரை, கடல், வான்வெளி போக்குவரத்தை கண்காணித்து பேரிடர் காலங்களில் துல்லிய தகவல்களை தெரிவிக்கும் என இஸ்ரோ தெரிவித்துள்ளது. இந்த ஆண்டின் முதல் மற்றும் இஸ்ரோ தலைவராக நாராயணன் பொறுப்பேற்ற பின்பு ஏவப்பட்ட முதல் ராக்கெட் இது என்பது குறிப்பிடத்தக்கது.
