வரும் 6ம் தேதி தமிழகம் வருகை தரும் பிரதமர் மோடி, பகல் 12.30 மணியளவில் புதிய பாம்பன் ரயில் பாலத்தைத திறந்துவைக்கிறார்.
இலங்கையில் 2 நாள் அரசு முறைப் பயணத்தை முடித்துக்கொண்டு பிரதமர் மோடி ராமேஸ்வரம் வருகை தரவுள்ளார்.
இதைத் தொடர்ந்து 2.08 கிலோ மீட்டர் நீளம் கொண்ட புதிய பாம்பன் ரயில் பாலத்தைத் திறந்துவைக்கும் பிரதமர் மோடி, ராமேஸ்வரம் – தாம்பரம் இடையேயான புதிய ரயில் சேவையையும் தொடங்கி வைக்கிறார்.
தொடர்ந்து வாலாஜாபேட்டை அருகே தமிழக – ஆந்திர எல்லையில் அமையும் புதிய 4 வழிச்சாலைக்கு அடிக்கல் நாட்டுகிறார்.
பின்னர் விழுப்புரம், தஞ்சாவூர் உள்ளிட்ட மாவட்டங்களில் அமைக்கப்பட்டுள்ள புதிய 4 வழிச்சாலைகளைப் பிரதமர் மோடி நாட்டுக்கு அர்ப்பணிக்கிறார்.
