காசாவில் போர் நிறுத்தம் : அமெரிக்கா முன்வைத்த செயல்திட்டத்தை ஏற்றுக்கொண்ட இஸ்ரேல்!

காசாவில் போா் நிறுத்தம் மேற்கொள்வதற்காக அமெரிக்கா முன்வைத்த புதிய செயல்திட்டத்தை இஸ்ரேல் ஏற்றுக்கொண்டது.

இது குறித்துக் கூறிய அமெரிக்காவின் வெள்ளை மாளிகை செய்தித் தொடா்பாளா் கரோலின் லீவிட், காஸாவில் 60 நாட்களுக்கு போர் நிறுத்தம் மேற்கொள்வதற்கான செயல்திட்டத்தை அதிபர் டொனால்ட் டிரம்ப்பின் சிறப்புத் தூதர் ஸ்டீவ் விட்காஃப் இஸ்ரேலிடம் அளித்ததாகத் தெரிவித்தார்.

இதனை இஸ்ரேல் அரசு ஏற்பதாக ஒப்பு கொண்டதாகவும், தற்போது அந்த செயல் திட்டம் ஹமாஸ் அமைப்பிடம் அளிக்கப்பட்டுள்ளதாகவும் கூறினார். அந்த திட்டத்தை விமர்சித்தாலும், அதை ஏற்பது குறித்துப் பரிசீலித்து வருவதாக ஹமாஸ் அமைப்பு தெரிவித்துள்ளது.