இந்திய கிரிக்கெட் வீரரும், சுழற்பந்து வீச்சாளருமான பியூஷ் சாவ்லா ஒட்டு மொத்த கிரிக்கெட்டில் இருந்து ஓய்வு பெறுவதாக அறிவித்துள்ளார்.
இவர் 2006-ல் இங்கிலாந்துக்கு எதிராக மொகாலியில் நடைபெற்ற டெஸ்ட் கிரிக்கெட்டில் தனது 17 வயதில் அறிமுகமானார். அவரது முதல் டெஸ்ட் விக்கெட்டாக அலெஸ்டர் குக் இருந்தார்.
பியூஸ் சாவ்லா 2007 டி20 உலகக் கோப்பை மற்றும் 2011 ஒருநாள் உலகக் கோப்பையை வென்ற இந்திய அணியில் முக்கிய பங்கு வகித்தார்.
ரவிச்சந்திரன் அஷ்வின் மற்றும் ரவீந்திர ஜடேஜா போன்ற ஸ்பின்னர்களின் ஆதிக்கத்தால் 2012-க்குப் பிறகு பியூஸ் சாவ்லா இந்திய அணியில் இடம் பிடிப்பது கடினமானது.
பியூஸ் சாவ்லா 2012-ம் ஆண்டு டிசம்பர் மாதத்திலேயே கடைசியாக சர்வதேச போட்டியில் பங்கேற்றார் என்பது குறிப்பிடத்தக்கது.
