பிரதமர் மோடியைத் தொலைபேசி மூலம் தொடர்புகொண்டு பின்லாந்து அதிபர் அலெக்சாண்டர் ஸ்டப் பேசியதாகத் தகவல்கள் வெளியாகியுள்ளது.
இந்தப் பேச்சுவார்த்தையின்போது இருநாட்டு உறவு, வர்த்தகம், குவாண்டம் தொழில்நுட்பம், 6ஜி சேவை, செயற்கை நுண்ணறிவு, சைபர் பாதுகாப்பு உள்பட பல்வேறு விவகாரங்கள் குறித்து இருநாட்டுத் தலைவர்களும் ஆலோசனை நடத்தினர்.
மேலும் உக்ரைன் போர்க் குறித்தும், போர்த் தொடர்பாக அமெரிக்க அதிபர் டிரம்ப்பைச் சந்தித்தது குறித்தும் பின்லாந்து அதிபர் அலெக்சாண்டர் பிரதமர் மோடியிடம் எடுத்துரைத்தார்.
அதேவேளை, உக்ரைன் போருக்குப் பேச்சுவார்த்தை மூலம் தீர்வு காண வேண்டும் என்ற இந்தியாவின் நிலைப்பாட்டைப் பிரதமர் மோடி மீண்டும் உறுதிபடுத்தினார்.
