தொலைபேசி உரையாடல் கசிவு விவகாரம் தொடர்பாகத் தாய்லாந்து பிரதமர்ப் பேடோங்டார்ன் ஷினவத்ராவின் பதவி நிரந்தரமாகப் பறிக்கப்பட்டுள்ளது.
தாய்லாந்து மற்றும் கம்போடியா இடையே அண்மையில் மோதல் ஏற்பட்டது. அப்போது, கம்போடிய முன்னாள் பிரதமரான ஹன் சென்னை, தாய்லாந்து பிரதமர் பேடோங்டார்ன் ஷினவத்ரா தொலைபேசி வாயிலாகத் தொடர்புகொண்டு பேசினார்.
அப்போது அவரை அங்கிள் என அழைத்த அவர், தாய்லாந்து ராணுவ தளபதியைக் கடுமையாக விமர்சித்துப் பேசினார். உங்களுக்கு என்ன உதவி வேண்டுமானாலும் கேளுங்கள். நான் செய்கிறேன் எனவும் தாய்லாந்து பிரதமர்க் கூறியிருந்தார்.
எதிர்பாராத விதமாக இந்தத் தொலைப்பேசி உரையாடல் வெளியில் கசியவே, அவருக்கு எதிராகப் பெரும் போராட்டம் வெடித்தது. அவர்த் தனது பதவியை ராஜினாமா செய்ய வேண்டும் என எதிர்கட்சிகளும் வலியுறுத்த தொடங்கின.
இதனையடுத்து, தாய்லாந்து அரசியலமைப்பு நீதிமன்றம் பேடோங்டார்ன் ஷினவத்ராவைப் பிரதமர் பதவியில் இருந்து தற்காலிகமாக நீக்கம் செய்தது. இந்நிலையில், அவரது பதவி தற்போது நிரந்தரமாகப் பறிக்கப்பட்டுள்ளது.
