சென்னையில் பல்வேறு இடங்களில் வைக்கப்பட்ட விநாயகர் சிலைகள் ஊர்வலமாக எடுத்து வரபட்டு பட்டினப்பாக்கம், திருவான்மியூர், காசிமேடு, திருவொற்றியூர் ஆகிய 4 இடங்களில் கரைக்கப்பட்டன.
இந்துக்களின் முக்கிய பண்டிகைகளில் ஒன்றான விநாயகர் சதுர்த்தி கடந்த 27ம் தேதி கொண்டாடப்பட்டது. இதையொட்டி கோயில்கள், தெருக்கள், வீடுகளில் வைக்கப்பட்ட சிலைகள் குளம், ஏரி, ஆறு, கடல் உள்ளிட்ட நீர்நிலைகளில் கரைக்கப்பட்டு வருகின்றன. சென்னையில் பல்வேறு இடங்களில் வைக்கப்பட்ட விநாயகர் சிலைகள் வாகனங்கள் மூலம் ஊர்வலமாக எடுத்து வரப்பட்டு பட்டினப்பாக்கம், திருவான்மியூர், காசிமேடு, திருவொற்றியூர் ஆகிய 4 இடங்களில் கரைக்கப்பட்டன.
முன்னதாக விநாயகர் சிலைகளில் சாலைகளில் மேள தாளங்கள் முழங்க ஆட்டம் பாட்டத்துடன் வெகுவிமரிசையாக ஊர்வலமாக எடுத்து வரப்பட்டது. விநாயகர் சிலை ஊர்வலத்தை ஒட்டி சென்னையின் பல்வேறு பகுதிகளில் போக்குவரத்து மாற்றம் செய்யப்பட்டு விநாயகர் சிலைகள் ஊர்வலமாக எடுத்து செல்லப்பட்டது.
இதற்காக நகரின் முக்கிய இடங்களில் போலீசார் தீவிர பாதுகாப்பு பணியில் ஈடுபட்டனர். கடலில் சிலைகள் கரைக்கப்படுவதை காண ஏராளமான பொதுமக்கள் பட்டினப்பாக்கம், திருவான்மியூர், காசிமேடு, திருவொற்றியூர் கடற்கரை பகுதிகளில் குவிந்தனர்.
