உலக பொருளாதாரத்தில் இந்தியா முக்கிய இடத்தை பிடித்துள்ளதாக மத்திய நிதி அமைச்சர் நிர்மலா சீதாராமன் தெரிவித்துள்ளார்.
சர்வதேச நாணய நிதியம் 2026ம் ஆண்டுக்கான உலகப் பொருளாதார வளர்ச்சி குறித்த புள்ளிவிவரங்களை சமீபத்தில் வெளியிட்டது.
அந்தப் புள்ளிவிவரப் பட்டியலை உலகின் முன்னணி பணக்காரர் எலான் மஸ்க் தனது சமூக வலைதள பக்கத்தில் பகிர்ந்துள்ளார்.
குறிப்பாக இந்தியாவின் பங்களிப்பு குறித்த வரைபடத்தை எலான் மஸ்க் தனது எக்ஸ் பக்கத்தில் பகிர்ந்து, சக்தியின் சமநிலை மாறுகிறது என்று பதிவிட்டிருந்தார்.
இந்நிலையில், மத்திய நிதியமைச்சர் நிர்மலா சீதாராமன், இந்தியாவின் பொருளாதார பலத்தை உணர்த்த எலான் மஸ்க்கின் பதிவை மேற்கோள் காட்டியுள்ளார்.
சீனாவுக்கு அடுத்தபடியாக இந்தியா மிக வேகமாக வளர்ந்து வருவதையும், உலக பொருளாதாரத்தில் இந்தியா முக்கிய இடத்தை பிடித்துள்ளதையும் இந்தத் தரவுகள் உணர்த்துவதாகவும் அவர் தெரிவித்தார்.
இந்தியா உலகளாவிய ஜிடிபி வளர்ச்சிக்கு 17 சதவீதம் பங்களிக்கிறது என்றும், அமெரிக்கா மற்றும் ஐரோப்பாவை விட முன்னணியில் உள்ளதாகவும் நிர்மலா சீதாராமன் கூறியுள்ளார்
