அணு ஆயுதங்களுக்கான வரம்புகளை அதிகரிக்க வேண்டும் எனும் ரஷ்யாவின் கோரிக்கையை ஏற்க அமெரிக்க அதிபர் டிரம்ப் மறுத்துள்ளார்.
கடந்த 2010-ம் ஆண்டு அமெரிக்கா மற்றும் ரஷ்யா இடையே நியூ ஸ்டார்ட் என்ற பெயரில் அணு ஆயுத ஒப்பந்தம் மேற்கொள்ளப்பட்டது.
இதன்படி இரு நாடுகளும் தலா 1,550 அணு ஆயுதங்களை மட்டுமே வைத்துக் கொள்ள முடியும். இந்த ஒப்பந்தம் வியாழனன்று காலாவதியான நிலையில், அணு ஆயுதங்களுக்கான வரம்புகளை அதிகரிப்பதுடன் ஒப்பந்தத்த்தை மீண்டும் தொடர ரஷ்யா கோரிக்கை விடுத்தது.
இதற்கு மறுப்பு தெரிவித்துள்ள டிரம்ப், நியூ ஸ்டார் ஒப்பந்தத்தை நீட்டிப்பதற்கு பதிலாக, நவீனமயமாக்கப்பட்ட ஒப்பந்தத்தை உருவாக்க நாம் அனுபவமிக்க அணுசக்தி நிபுணர்களுடன் இணைந்து பணியாற்ற வேண்டும் என தெரிவித்துள்ளார்.
