கோவை செஞ்சிலுவை சங்கம் அருகே 10-வது நாளாக தொடர்ந்து காத்திருப்பு போராட்டத்தில் ஈடுபட்டு வரும் அங்கன்வாடி சத்துணவு ஊழியர்களை பாஜக மாநில தலைவர் நயினார் நாகேந்திரன் நேரில் சந்தித்து ஆதரவு தெரிவித்தார்.
திமுக தேர்தல் வாக்குறுதியின்படி தங்களின் நீண்டநாள் கோரிக்கைகளை நிறைவேற்ற வலியுறுத்தி அங்கன்வாடி மற்றும் சத்துணவு ஊழியர்கள் கடந்த 10 நாட்களாக போராட்டத்தில் ஈடுபட்டு வருகின்றனர்.
இந்த போராட்டத்திற்கு பாஜக மாநில தலைவர் நயினார் நாகேந்திரன், கோவை தெற்கு தொகுதி எம்.எல்.ஏ. வானதி சீனிவாசன் ஆதரவு தெரிவித்தார்.
கோவை செஞ்சிலுவை சங்கம் அருகே போராட்டம் நடைபெறும் இடத்துக்கு சென்ற அவர், அங்கன்வாடி பணியாளர்களுடன் கலந்துரையாடினார்.
அங்கன்வாடி மற்றும் சத்துணவு ஊழியர்கள் சமூக நலத்திற்காக முக்கிய பங்காற்றி வருவதாக கூறிய நயினார் நாகேந்திரன், அவர்களின் நியாயமான கோரிக்கைகளை அரசு உடனடியாக பரிசீலித்து தீர்வு காண வேண்டும் என்று தெரிவித்தார்.
