டி20 உலகக்கோப்பை சூப்பர் 8 சுற்றில், இந்தியாவுக்கு எதிரான ஆட்டத்தில் தென் ஆப்பிரிக்கா 76 ரன்கள் வித்தியாசத்தில் வெற்றி பெற்றது.
அகமதாபாத்தில் நடைபெற்ற போட்டியில், டாஸ் வென்று தென் ஆப்பிரிக்கா அணி முதலில் பேட்டிங் செய்ய களமிறங்கியது. தொடக்கம் சரியாக அமையாவிட்டாலும், டேவிட் மில்லர், டெவால்ட் பிரேவிஸ் ஆகியோரின் அதிரடியால் தென் ஆப்பிரிக்கா அணி 20 ஓவர்களில் 187 ரன்கள் எடுத்தது. அதிகபட்சமாக மில்லர் 35 பந்துகளில் 63 ரன்கள் விளாசினார்.
188 ரன்கள் இலக்குடன் களமிறங்கிய இந்திய அணி தொடக்கத்திலேயே விக்கெட்டுகளை இழந்தது. சீரான இடைவெளியில் இந்திய பேட்ஸ்மேன்கள் அடுத்தடுத்து விக்கெட்டுகளை பறிகொடுத்ததால் 18.5 ஓவர்களில் 111 ரன்கள் எடுத்து ஆட்டமிழந்தது.
இதன் மூலம், தென் ஆப்பிரிக்க அணி 76 ரன்கள் வித்தியாசத்தில் அபார வெற்றி பெற்றது. இந்திய தரப்பில் ஷிவம் துபே 42 ரன்கள் எடுத்தார். தென்ஆப்பிரிக்கா தரப்பில் ஜான்சன் 4 விக்கெட்டுகளை கைப்பற்றினார்.
