மதுரையில் பிரதமர் மோடி பங்கேற்கும் நிகழ்ச்சி – அரவிந்த் மேனன் ஆலோசனை!

மதுரையில் பிரதமர் மோடி பங்கேற்கும் நிகழ்ச்சி குறித்து பாஜக மேலிட பொறுப்பாளர் அரவிந்த் மேனன் தலைமையில் நிர்வாகிகள் ஆலோசனை மேற்கொண்டனர்.

மதுரை மண்டேலா நகரில் மார்ச் ஒன்றாம் தேதி நடைபெறும் அரசு நிகழ்ச்சி மற்றும் என்டிஏ பொதுக் கூட்டத்தில் பிரதமர் மோடி பங்கேற்கிறார். இந்நிலையில் நிகழ்ச்சிக்கான ஏற்பாடுகள் குறித்து பாஜக மேலிட பொறுப்பாளர் அரவிந்த் மேனன் தலைமையில் ஆலோசனை கூட்டம் நடைபெற்றது.

இதில் பாஜக மாநில பொதுச்செயலாளர் ராம சீனிவாசன், பொன்.பாலகணபதி பாஜக மாநில துணைத் தலைவர் கோபால்சாமி உள்ளிட்ட நிர்வாகிகள் பங்கேற்றனர். தொடர்ந்து நிகழ்ச்சிக்கான ஏற்பாடுகள் மற்றும் தலைவர்களை வரவேற்பது குறித்து அவர்கள் ஆலோசனை மேற்கொண்டனர்.