உணவு, தண்ணீர் அல்லது ஓய்வு என எதுவுமே இல்லாமல் அலாஸ்காவிலிருந்து டாஸ்மேனியா வரை சுமார் 13 ஆயிரத்து 560 கிலோமீட்டர் தூரத்தை 11 நாட்களில் கடந்து ‘பி6’ என்ற இளம் பறவை உலக சாதனை படைத்துள்ளது.
‘பார்-டெய்ல்ட் காட்விட்’ என்பது ஆர்க்டிக் பகுதிகளில் இனப்பெருக்கம் செய்யும் ஒரு வகை நீண்ட மூக்குக் கொண்ட கடற்கரை பறவையாகும். இவை ஒவ்வொதுரு ஆண்டும் அலாஸ்காவிலிருந்து ஆஸ்திரேலியா மற்றும் நியூசிலாந்து வரை சுமார் 11 ஆயிரம் கிலோமீட்டர் தூரத்தை ஒன்பது நாட்களில் கடக்கும் வழக்கம் கொண்டவை. ஆனால், ‘பி6’ பறவை 11 நாட்களில் 13 ஆயிரத்து 560 கிலோ மீட்டர் தூரத்தைக் கடந்து முந்தைய சாதனைகளை முறியடித்துள்ளது.
இந்த பறவைகள் பயணத்திற்கு முன்னதாக அலாஸ்காவில் அதிகப்படியாக உணவை உட்கொண்டு, உடல் எடையில் பாதியளவு கொழுப்பை சேர்த்து நெடுந்தூர பயணத்தை தொடங்குகின்றன.
இவ்வாறு 11 நாட்கள் தொடர்ந்து பறக்கும்போது, இவை ‘யுனிஹெமிஸ்பெரிக் ஸ்லீப்’ என்னும் முறையில் உறங்குவதாகவும், கண்களில் உள்ள ‘கிரிப்டோக்ரோம்ஸ்’ எனும் புரதம், பூமியின் காந்தப்புலத்தை உணர்ந்து சரியான திசையில் பயணிக்க உதவுவதாகவும் கூறப்படுகிறது.
பருநிலை மாற்றங்களால் இதுபோன்ற பறவைகளின் இடப்பெயர்வு பாதைகள் பாதிக்கப்படும் அபாயம் உள்ள நிலையில், ‘பி6’ போன்ற பறவைகளின் சாதனைப் பயணம், இயற்கையைப் பாதுகாக்க வேண்டிய அவசியத்தை உலகிற்கு உணர்த்துகிறது.
