விமானப் பயணிகளுக்கு நிம்மதி அளிக்கும் வகையில், 60 சதவீத இடங்களுக்கு இருக்கைத் தேர்வுக் கட்டணம் விதிக்கப்படாது என மத்திய அரசு அறிவித்துள்ளது.
விமானத்தில் உள்ள இருக்கைகளுக்கு, அவற்றின் இருப்பிடத்தைப் பொறுத்து கட்டணம் நிர்ணயிக்கப்படுகிறது. ஜன்னல் மற்றும் நடைபாதை ஒரே இருக்கைகளுக்கும், கூடுதல் கால் நீட்ட வசதி கொண்ட இருக்கைகளுக்கும் கட்டணம் வசூலிக்கப்படுகிறது. இருக்கைத் தேர்வு கட்டணம் போன்ற மறைமுகக் கட்டணங்கள் குறித்து பயணிகள் புகார் தெரிவித்திருந்தனர்.
அனைவருக்கும் சமமான அணுகலை உறுதி செய்யும் வகையில், எந்தவொரு விமானத்திலும் குறைந்தபட்சம் 60 சதவீத இருக்கைகள் இலவசமாக ஒதுக்கப்பட வேண்டும் என்று சிவில் விமானப் போக்குவரத்து அமைச்சகம் தெரிவித்துள்ளது.
இதனை விமான நிறுவனங்கள் உறுதி செய்ய வேண்டும் என்றும் கேட்டுக்கொண்டுள்ளது. இந்த நடவடிக்கை, விமானப் பயணிகளுக்கு நிம்மதியை அளிக்கும் என எதிர்பார்க்கப்படுகிறது. ஒரே PNR எண்ணில் பயணிக்கும் பயணிகளை ஒன்றாக, முன்னுரிமையாக அருகருகே உள்ள இருக்கைகளில் அமர வைக்குமாறும் விமான நிறுவனங்களுக்கு அறிவுறுத்தப்பட்டுள்ளது.
