கோவை மாவட்ட தொகுதி பங்கீட்டில் அதிருப்தி உள்ளதால் களப் பணியாற்ற திமுக மற்றும் கூட்டணி கட்சி நிர்வாகிகள் ஆர்வம் காட்டவில்லை என தகவல் வெளியாகியுள்ளது.
தமிழக சட்டமன்ற தேர்தலில் திமுக கூட்டணிகளுக்கான தொகுதி பங்கீடு உறுதி செய்யப்பட்டுள்ளது.
கடந்த 2021 சட்டமன்ற தேர்தலை போலவே இந்த முறையும் கோவை மாவட்டத்தில் 3 தொகுதிகளை கூட்டணி கட்சிக்கு திமுக ஒதுக்கியுள்ளது.
கவுண்டம்பாளையம், சிங்காநல்லூர் ஆகிய தொகுதிகள் காங்கிரஸ் கட்சிக்கும், பொள்ளாச்சி தொகுதி கொங்கு நாடு மக்கள் தேசிய கட்சிக்கும் ஒதுக்கப்பட்டுள்ள நிலையில், அதிமுக பலமாக உள்ள கோவையில் காங்கிரஸ் கட்சிக்கு 2 தொகுதிகள் ஒதுக்கப்பட்டிருப்பது அக்கட்சியினர் இடையே அதிர்ச்சியை ஏற்படுத்தியது.
கோவையில் 2 தொகுதிகளை கம்யூனிஸ்ட்கள் அதிகம் எதிர்பார்த்த நிலையில், அவர்களுக்கு வாய்ப்பு மறுக்கப்பட்டு காங்கிரஸ் கட்சிக்கு 2 தொகுதிகள் வழங்கப்பட்டுள்ளது.
இதேபோல, பொள்ளாச்சி தொகுதி கொங்கு நாடு மக்கள் தேசிய கட்சிக்கு ஒதுக்கப்பட்டுள்ளது திமுக நிர்வாகிகள் இடையே அதிர்ச்சியை ஏற்படுத்தியுள்ளது.
