தமிழக சட்டப்பேரவை தேர்தலில் மார்க்சிஸ்ட் கம்யூனிஸ்ட் கட்சி சார்பில் போட்டியிடும் ஐந்து வேட்பாளர்களின் பட்டியலை அக்கட்சி வெளியிட்டுள்ளது.
திமுக கூட்டணியில் இடம்பெற்றுள்ள மார்க்சிஸ்ட் கம்யூனிஸ்ட் கட்சிக்கு ஐந்து தொகுதிகள் ஒதுக்கீடு செய்யப்பட்டது. இதைத் தொடர்ந்து அக்கட்சி இந்த தேர்தலில் போட்டியிடும் தொகுதிப் பட்டியல் வெளியானது. தற்போது, மார்க்சிஸ்ட் கம்யூனிஸ்ட் கட்சி சார்பில் போட்டியிடும் 5 வேட்பாளர்களின் பட்டியல் வெளியாகி உள்ளது. இதனை மாநில தேர்வுக்குழு அறிவித்துள்ளது.
அதன்படி பழனி தொகுதியில் என்.பாண்டி, கந்தர்வக்கோட்டை தனி தொகுதியில் எம்.சின்னதுரை, பத்மநாபபுரம் தொகுதியில் ஆர்.செல்லசுவாமி, திருவொற்றியூரில் எல்.சுந்தரராஜன், கீழ்வேளூரில் டி.லதா போட்டியிடுகின்றனர்.
