12 ஆயிரம் கோடி செலவில் கட்டப்பட்ட 213 கிலோ மீட்டர் நீளமுள்ள டெல்லி – டேராடூன் பொருளாதார வழித்தடத்தை பிரதமர் மோடி திறந்து வைத்தார்.
உத்தராகண்ட் மாநிலம் டேராடூனில் நடைபெற்ற நிகழ்ச்சியில் பிரதமர் மோடி இந்த அதிவேக சாலையை பொதுமக்கள் பயன்பாட்டிற்கு தொடங்கி வைத்தார். டெல்லி, உத்தர பிரதேசம் மற்றும் உத்தராகண்ட் மாநிலங்களை இணைக்கும் இந்த ஆறு வழி சாலை, பயண நேரத்தை 6 மணி நேரத்திலிருந்து சுமார் இரண்டரை மணி நேரமாக குறைக்கிறது.
ஆசியாவின் மிக நீளமான 12 கிலோ மீட்டர் வனவிலங்கு உயர்மட்ட வழித்தடம் மற்றும் 370 மீட்டர் நீளமுள்ள சுரங்கப்பாதை இந்த வழித்தடத்தில் இடம்பெற்றுள்ளது. இது சார் தாம் யாத்திரை பயணிகளுக்கும், சரக்கு போக்குவரத்திற்கும், பொருளாதார வளர்ச்சிக்கும் பெரிதும் உதவும் என கூறப்படுகிறது.
