அதிமுக பொதுச்செயலாளர் எடப்பாடி பழனிசாமியை, சேலம் மாவட்ட ரஜினி ரசிகர் மன்ற தலைவர் பாரப்பட்டி கனகராஜ் தலைமையில் ஆயிரத்துக்கும் மேற்பட்டோர் நேரில் சந்தித்து அதிமுகவில் இணைந்தனர்.
சேலம் நெடுஞ்சாலை நகரில் உள்ள இல்லத்தில் எடப்பாடி பழனிசாமியை சேலம் மாவட்ட ரஜினி ரசிகர் மன்றத்தினர் சந்தித்து, தங்களை அதிமுகவில் இணைத்து கொண்டனர். முன்னதாக திருவாகவுண்டனூர் பைபாஸ் பகுதியில் இருந்து இரண்டு கிலோமீட்டர் தூரத்திற்கும் மேலாக ரஜினி ரசிகர் மன்றத்தினர் ஊர்வலமாக வந்தனர்.
சட்டமன்றத் தேர்தலில், சேலம் மாவட்டத்தின் 11 தொகுதிகளிலும் தீவிர பிரச்சாரம் மேற்கொண்டு, அதிமுகவை வெற்றி பெறச் செய்வோம் என எடப்பாடி பழனிசாமி முன்னிலையில் சபதம் ஏற்றனர். இந்நிகழ்வில், பாரப்பட்டி, வீரபாண்டி, அரியானூர் உட்பட 10க்கும் மேற்பட்ட கிராமங்களைச் சேர்ந்த ரஜினி ரசிகர்கள் மற்றும் பொதுமக்கள் கலந்து கொண்டனர்.
