காங்கிரஸில் இணைந்தது தான் தாம் செய்த ஆபத்தான விஷயம் என, ராகுல் காந்தியிடம் கல்லூரி மாணவி பேசிய வீடியோ வைரலாகி வருகிறது.
டெல்லி பல்கலைக் கழகத்தின் கார்கி கல்லூரியில் பயலும் மாணவிகளுடன் சமீபத்தில் கலந்துரையாடிய ராகுல் காந்தி, இதுவரை நீங்கள் செய்ததிலேயே மிகவும் ஆபத்தான விஷயம் என்ன? என்று கேள்வி எழுப்பினார். அதற்குப் பதிலளித்த ஒரு மாணவி, காங்கிரஸில் சேர்ந்தது என்று கூறினார்.
இந்த எதிர்பாராத பதில் பார்வையாளர்களிடையே சிரிப்பலையை ஏற்படுத்தியது. இதற்கு சிரித்தவாறு பதிலளித்த ராகுல் காந்தி, சரி…அது மிகவும் ஆபத்தானதுதான் என்று தெரிவித்தார். இந்த வீடியோ சமூக வலைதளங்களில் தற்போது வைரலாகி வருகிறது.
