கலிபோர்னியா தேர்தல் முறைகேடு குற்றச்சாட்டுக்கு ஆதாரம் கேட்ட நெறியாளரை ஊழல்வாதி என விமர்சித்துவிட்டு அதிபர் டிரம்ப் நேர்காணலை பாதியிலேயே முடித்துவிட்டு கிளம்பிய சம்பவம் பேசுபொருளாகியுள்ளது.
NBC செய்தி நிறுவனத்தின் Meet the Press நிகழ்ச்சியில் அமெரிக்க அதிபர் டிரம்ப் கலந்துகொண்டு நேர்காணல் வழங்கினார். அப்போது கலிபோர்னியா மாகாணத்தின் மெதுவான வாக்கு எண்ணிக்கை குறித்த விவாதத்துடன் நேர்காணல் தொடங்கியது.
கலிபோர்னியாவின் தேர்தல் முடிவுகள் குறித்துப் பேசிய டிரம்ப், வாக்குப்பதிவு முடிந்து 4 நாட்கள் ஆகியும் இன்னும் முடிவுகளை அறிவிக்கவில்லை என குற்றம்சாட்டினார். அதற்கு பதிலளித்த நெறியாளர் கிறிஸ்டன் வெல்கர், வாக்கு எண்ணிக்கை மெதுவாக நடைபெறுவதை தேர்தல் அதிகாரிகளே ஒப்புக் கொண்டுள்ளதாக கூறினார்.
இதனால் கோபமடைந்த டிரம்ப், தேர்தலில் ஏமாற்றுவதால் அவர்கள் அப்படி செய்வதாக கூறினார். இதையடுத்து தேர்தல் முறைகேடு குற்றச்சாட்டுக்கு நெறியாளர் ஆதாரம் கேட்டதால் வாக்குவாதம் முற்றியது.
பின்னர் மைக்கை கழற்றி கீழே வீசிய அதிபர் டிரம்ப், நெறியாளர் வெல்கரை நோக்கி ஊழல்வாதி மற்றும் முட்டாள் என கடுமையாக விமர்சித்துவிட்டு நேர்காணலை பாதியிலேயே முடித்துவிட்டு அங்கிருந்து வெளியேறினார். இந்த வீடியோ சமூக வலைதளங்களில் வைரலாகி வருகிறது.
