2024-ஆம் ஆண்டிற்கான தேசிய திரைப்பட விருதுகள் அறிவிக்கப்பட்டுள்ளன. இதில் சிறந்த தமிழ் திரைப்படமாக ‘ராயன்’ தேர்வு செய்யப்பட்டுள்ளது.
சிவகார்த்திகேயனின் ‛அமரன்”, தனுஷின் ‛கேப்டன் மில்லர்”, விஜய் சேதுபதியின் ‛மகாராஜா”, கார்த்தியின் ‛மெய்யழகன்” ஆகிய படங்கள் பல்வேறு பிரிவுகளில் தேசிய விருதுகளை வென்றுள்ளன.
சிறந்த நடிகருக்கான தேசிய விருதை பிரம்மயுகம் படத்தில் நடித்ததற்காக நடிகர் மம்மூட்டி பெறுகிறார்.
இயக்குநர் பிரேம் குமார் இயக்கத்தில் கார்த்தி, அரவிந்த்சாமி நடித்து வெளியான ‛மெய்யழகன்” படத்திற்கு சிறந்த ஒலிக்கலவை கிடைத்துள்ளது. இதே பிரிவில் இந்த படத்திற்கு சிறந்த சவுண்ட் மிக்ஸிங்கிற்காக சுரன் ஜி தேர்வாகி உள்ளார்.
கேப்டன் மில்லர் படத்துக்காக நடிகர் தனுஷ் ஸ்பெஷல் மென்ஷன் பிரிவில், சிறந்த நடிகருக்கான விருதைப் பெறுகிறார்.
அதுமட்டுமன்றி, சமூக மாற்றத்திற்கான பட பிரிவில் கேப்டன் மில்லர் தேர்வாகியுள்ளது. இதுதவிர சிறந்த தமிழ் படமாக தனுஷ் இயக்கி, நடித்த ராயன் படம் தேர்வாகி உள்ளது.
ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி நடிப்பில் வெளியான அமரன் படம், 3 தேசிய விருதுகளை வென்றுள்ளது. சிறந்த இயக்குனர், சிறந்த பின்னணி இசை மற்றும் படத்தொகுப்பு ஆகிய பிரிவுகளில் இந்தப் படம் விருதுகளைக் குவித்துள்ளது.
அந்த வகையில், சிறந்த இயக்குனராக அமரன் திரைப்பட இயக்குநர் ராஜ்குமார் பெரியசாமி தேர்வாகியுள்ளார்.
சிறந்த படங்களின் வரிசையில், ஹிந்தியில் வெளியான ஆர்டிக்கிள் 370 தேர்வாகியுள்ளது. இதுதவிர சிறந்த பொழுதுபோக்கு படமாக கல்கி 2898 ஏடி தேர்வாகியுள்ளது
சிறந்த நடிகை பிரிவில் ஆர்டிக்கிள் 370 படத்தில் நடித்த யாமி கவுதமும், சிறந்த துணை நடிகை பிரிவில் விஜய் சேதுபதியின் மகாராஜா படத்தில் நடித்த சாச்சனா நமிதாஸும் தேர்வாகியுள்ளனர்.
இதேபோல, சிறந்த ஆக்ஷன் பிரிவில் மகாராஜா படத்தின் சண்டை பயிற்சியாளர் அனல் அரசு தேசிய விருதுக்குத் தேர்வாகியுள்ளார்.
சிறந்த பின்னணி இசை பிரிவில் அமரன் படத்தில் சிறப்பாக இசையமைத்த ஜி.வி. பிரகாஷ் குமார் தேர்ந்தெடுக்கப்பட்டுள்ளார்.
இதுதவிர சிறந்த இசை பிரிவில் ஆர்டிக்கிள் 370 படத்துக்கு இசையமைத்த சஷ்வத் சஜ்தேவ்,
சிறந்த ஆடை வடிவமைப்பு பிரிவில் புஷ்பா 2 ஆடை வடிவமைப்பாளர்கள் தீபாலி நூர், ஷீத்தல் ஷர்மா ஆகியோர் தேர்வாகியுள்ளனர்.
சிறந்த படத்தொகுப்பு பிரிவில் அமரன் படத்துக்காக கலைவாணன் தேசிய விருதுக்குத் தேர்வாகியுள்ளார்.
லக்கி பாஸ்கர் திரைப்பட இயக்குநர் வெங்கி அட்லூரிக்கு சிறந்த வசனத்துக்காக தேசிய விருது வழங்கப்படவுள்ளது.
Non – Feature Film பிரிவில் சிறந்த ஒலி வடிவமைப்புக்கான தேசிய
விருது `ப்ளூ’ தமிழ்ப் படத்துக்காக டி.எஸ்.ஹரிஹர சுதனுக்கு வழங்கப்படவுள்ளது.
