சென்னை மெரினாவில் குளிா்சாதன வசதியுடன் கூடிய பேருந்து நிறுத்தத்தை அமைக்க மாநகராட்சி சாா்பில் ஒப்பந்தம் கோரப்பட்டுள்ளது.
சென்னை மாநகராட்சி சார்பில் பெரம்பூா், ராயபுரம், கொளத்தூா், துறைமுகம் ஆகிய சட்டப்பேரவைத் தொகுதிகளில் 8 கோடி ரூபாய் செலவில் குளிா்சாதன வசதியுடன் கூடிய பேருந்து நிறுத்தங்கள் அமைக்கப்பட்டன.
‘அவற்றில், கொளத்தூா், துறைமுகம் தொகுதியில் மட்டும் குளிா்சாதன வசதி பேருந்து நிறுத்தங்கள் செயல்பாட்டில் உள்ள நிலையில், மற்றவை பணிகள் முடிந்து விரைவில் செயல்பாட்டுக்கு வரவுள்ளன.
இந்நிலையில், மெரினா கடற்கரை சாலையில் அண்ணா சதுக்கம் அருகே குளிா்சாதன வசதியுடன் கூடிய பேருந்து நிறுத்தத்தை அமைக்க சென்னை மாநகராட்சி சாா்பில் ஒப்பந்தம் கோரப்பட்டுள்ளது.
78 லட்சத்து 40 ஆயிரம் ரூபாய் மதிப்பில் குளிா்சாதன வசதி பேருந்து நிறுத்தம் அமைக்கப்படவுள்ளதாகவும், அதில் பயணிகளுக்கான நவீன இருக்கைகள், கைப்பேசி சாா்ஜ் வசதி, பேருந்துகள் வருகையை அறிவதற்கான தகவல் பலகை உள்ளிட்டவை இடம் பெறவுள்ளதாகவும் தெரிவிக்கப்பட்டுள்ளது.
