விஜயின் கடைசி படமான ஜனநாயகன் இன்று வெளியாகவுள்ள நிலையில் திரையரங்குகளில் ரசிகர்கள் கொண்டாட்டத்தில் ஈடுபட்டனர்.
தவெக தலைவரும் முதலமைச்சருமான ஜோசப் விஜயின் கடைசி படமாக ஜனநாயகன் அமைந்துள்ளது. கடந்த ஜனவரி மாதமே படம் வெளியாக இருந்த நிலையில், சென்சார் உள்ளிட்ட பிரச்னைகள் காரணமாக தள்ளிவைக்கப்பட்டது.
இந்நிலையில் 7 மாதங்களுக்குப் பிறகு ஜனநாயகன் திரைப்படம் இன்று வெளியாகவுள்ளது. இதனால் ரசிகர்கள் கொண்டாட்டத்தில் ஈடுபட்டுள்ளனர். சென்னை காசினோ திரையரங்கம் முன்பு குவிந்த ரசிகர்கள், விஜயின் கட்அவுட்டிற்கு பாலாபிஷேகம் செய்தும், பாடலுக்கு நடனமாடியும் ஆரவாரம் செய்தனர்.
சென்னை ஈஞ்சம்பாக்கம் பகுதியில் உள்ள திரையரங்கில் ஜனநாயகன் ரிலீஸை முன்னிட்டு ட்ரோன் ஷோ நடத்தப்பட்டது.
இதனிடையே சென்னை அடையாறில் இயல் இசை கல்லூரி திரையரங்கில் ஜனநாயகன் திரைப்படத்தை முதலமைச்சர் ஜோசப் விஜய் கண்டு ரசித்தார். தலைமை செயலாளர் சாய் குமார், முதலமைச்சரின் தனிச் செயலாளர் செந்தில் குமார் மற்றும் அரசு அதிகாரிகளும் படத்தை பார்த்து மகிழ்ந்தனர்.
