மேற்கு ஆப்பிரிக்க நாடான கோட் டி ஐவரியில்(Côte d’Ivoire) வெளியுறவுத்துறை அமைச்சர் ஜெய்சங்கர், அந்நாட்டு வெளியுறவுத்துறை அமைச்சர் நியாலே கபாவை சந்தித்து பேச்சுவார்த்தை நடத்தினார். இரு நாடுகளுக்கு இடையேயான வர்த்தகம், முதலீடு, உள்கட்டமைப்பு, வேளாண்மை, சுகாதாரம் மற்றும் மக்கள் தொடர்புகளை மேலும் வலுப்படுத்துவது குறித்து ஆலோசிக்கப்பட்டது. மேலும், பலதரப்பு அமைப்புகளில் இரு நாடுகளின் ஒருங்கிணைப்பை அதிகரிப்பது குறித்தும் விவாதிக்கப்பட்டது.
மேற்கு ஆப்பிரிக்க நாடான கோட் டிவாரில் இந்திய வம்சாவளியினருடன் மத்திய வெளியுறவுத்துறை அமைச்சர் எஸ். ஜெய்சங்கர் கலந்துரையாடினார். அப்போது, உலக விவகாரங்களில் இந்தியா கொண்டுள்ள ஆழமான புரிதல், எரிசக்தி பாதுகாப்பு, உரத் தேவையை உறுதி செய்தல், இயற்கைப் பேரிடர் காலங்களில் விரைவான நடவடிக்கை உள்ளிட்ட அம்சங்களை அவர் எடுத்துரைத்தார். BRICS மற்றும் G20 தலைமைப் பொறுப்புகளில் இந்தியா ஒருமித்த கருத்தை உருவாக்கியதையும், ஆப்பிரிக்க ஒன்றியத்துக்கு G20-ல் நிரந்தர உறுப்பினர் அந்தஸ்து கிடைக்க இந்தியா நடவடிக்கை எடுத்ததையும் ஜெய்சங்கர் சுட்டிக்காட்டினார்.
