திருப்பதி ஏழுமலையான் கோயில் வருடாந்திர பிரம்மோற்சவத்தின் முக்கிய நிகழ்வான கருட சேவை கோலாகலமாக நடைபெற்றது.
திருப்பதி ஏழுமலையான் கோயில் வருடாந்திர பிரம்மோற்சவம் கடந்த 12ம் தேதி கொடியேற்றத்துடன் தொடங்கியது.
விழாவின் முக்கிய நிகழ்வான கருட சேவையையொட்டி தங்கம், வைரம் உள்ளிட்ட ஆபரணங்களால் மலையப்ப சுவாமிக்கு அலங்காரம் செய்யப்பட்டது. அதனைத் தொடர்ந்து, அவர் தங்க கருட வாகனத்தில் வீதியுலா வந்து பக்தர்களுக்கு அருள்பாலித்தார்.
கொட்டும் மழையையும் பொருட்படுத்தாமல் லட்சக்கணக்கான பக்தர்கள் கோவிந்தா கோவிந்தா என கோஷங்கள் முழங்க வழிபட்டனர்.
