காஞ்சிபுரம் மாவட்டம் ஸ்ரீபெரும்புதூர் அடுத்த இருங்காட்டுக்கோட்டை சிப்காட் பகுதியில் இயங்கி வரும் ஹூண்டாய் கார் தயாரிப்பு தொழிற்சாலையில், ஆயுத பூஜை உற்சாகத்துடன் கொண்டாடப்பட்டது. பாரம்பரியம், ஒற்றுமையை ஒருங்கிணைக்கும் வகையில், வண்ணமயமாக அலங்காரம் செய்யப்பட்டு விழாக்கோலம் பூண்டது. தொழிற்சாலையில் பணிக்குப் பயன்படும் ரோபோட் உள்ளிட்ட கருவிகளுக்கு மரியாதை செலுத்தப்பட்டது. கார் நிறுவன நிர்வாக இயக்குநர், தலைமைச் செயல் அதிகாரி உள்ளிட்டோர் பங்கேற்றனர்.
