காஞ்சிபுரம் மாவட்டம், ஸ்ரீபெரும்புதூர் அருகே கருமாங்கழனி கிராமத்தில் வசித்து வரும் ஜார்கண்ட் மாநிலத்தைச் சேர்ந்த கல்பனா என்பவர் சில நாட்களுக்கு முன்பு சொந்த ஊருக்குச் சென்றுள்ளார். இதனால் சிறுமி தனது தாத்தா, பாட்டியுடன் வீட்டில் இருந்துள்ளார். கடந்த 16-ஆம் தேதி வீட்டிலிருந்து தேசிய நெடுஞ்சாலை அருகே சென்ற சிறுமி, அதன்பிறகு வீடு திரும்பவில்லை எனக் கூறப்படுகிறது. உறவினர்கள் பல்வேறு இடங்களில் தேடியும் சிறுமி கிடைக்காததால், ஸ்ரீபெரும்புதூர் காவல் நிலையத்தில் புகார் அளித்துள்ளனர். இது தொடர்பாக போலீசார் வழக்குப்பதிவு செய்து காணாமல்போன சிறுமியைத் தீவிரமாகத் தேடி வருகின்றனர். அண்மையில் செஞ்சி அருகே 7 வயது சிறுமி மாயமான நிலையில், ஸ்ரீபெரும்புதூரில் 8 வயது சிறுமி மாயமான சம்பவம் பரபரப்பை ஏற்படுத்தியுள்ளது.
