மேற்கு தொடர்ச்சி மலையின் இயற்கை அழகை ரசிக்கும் வகையில், மதுரை – குருவாயூர் விரைவு ரயிலில் ‘விஸ்டாடோம்’ பெட்டி இணைக்கப்பட்டு சேவை தொடங்கப்பட்டுள்ளது.
அகன்ற கண்ணாடி ஜன்னல்கள் மற்றும் கண்ணாடி மேற்கூரையுடன் அமைக்கப்பட்டுள்ள இந்தப் பெட்டியில் பயணிப்போர், பசுமையான மலைகள், பள்ளத்தாக்குகள், நீர்வீழ்ச்சிகள் உள்ளிட்ட இயற்கைக் காட்சிகளை ரசிக்கலாம்.
மதுரை கோட்டத்தில் தெற்கு ரயில்வே சார்பில் முதன்முறையாக அறிமுகப்படுத்தப்பட்டுள்ள இந்தச் சேவை, அக்டோபர் 23 முதல் அடுத்த ஆண்டு ஜனவரி 16 வரை சோதனை முறையில் இயக்கப்பட உள்ளது. வாரத்தில் குறிப்பிட்ட நான்கு நாட்கள், இரு மார்க்கங்களிலும் இந்தப் பெட்டி இணைக்கப்படும் எனத் தெரிவிக்கப்பட்டுள்ளது.
மதுரையிலிருந்து புனலூருக்கு ஆயிரத்து 10 ரூபாயும், கொல்லத்துக்கு ஆயிரத்து 140 ரூபாயும், குருவாயூருக்கு ஆயிரத்து 875 ரூபாயும் கட்டணமாக நிர்ணயிக்கப்பட்டுள்ளது.
