‘பி.எஸ்.எல்.வி. சி-56’ ராக்கெட், இந்திய விண்வெளி ஆராய்ச்சி நிறுவனம் (இஸ்ரோ) ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்திலிருந்து வருகிற ஞாயிற்றுக்கிழமை 30-ந்தேதி காலை 6.30 மணிக்கு முதல் ஏவுதளத்தில் இருந்து விண்ணில் ஏவப்படுகிறது.
இதில் சிங்கப்பூர் நாட்டைச் சேர்ந்த 360 கிலோ எடை கொண்ட ‘டிஎஸ்- சாட்’ என்ற பிரதான செயற்கைக்கோள் அனுப்பப்படுகிறது. இந்த செயற்கைக்கோள் பூமியில் இருந்து 5 டிகிரி சாய்வில் 535 கி.மீ. உயரத்தில் பூமத்திய ரேகை சுற்றுப்பாதையில் நிலை நிறுத்தப்பட உள்ளது. இதனுடன், மேலும் 6 செயற்கைக்கோள்கள் விண்ணில் செலுத்தப்படுகிறது.
‘பி.எஸ்.எல்.வி. சி-56’ ராக்கெட், ஏற்கனவே விண்ணில் ஏவப்பட்ட ‘சி-55’ ராக்கெட் போன்று ‘கோர்-அலோன்’ என்ற நவீன பயன்பாட்டு முறையில் கட்டமைக்கப்பட்டுள்ளது. இந்த ‘டிஎஸ்- சாட்’ செயற்கைக்கோள் சிங்கப்பூர் அரசு மற்றும் எஸ்.டி என்ஜினீயரிங் இடையேயான கூட்டாண்மையின் கீழ் உருவாக்கப்பட்டது. இதனுடன் வெலாக்ஸ்-ஏஎம் (23 கிலோ), ஆா்கேட் (24 கிலோ) உள்பட 6 சிறிய செயற்கைக்கோள்களுடன் ‘பி.எஸ்.எல்.வி. சி-56’ ராக்கெட் 30-ந்தேதி காலை 6.30 மணிக்கு முதல் ஏவுதளத்தில் இருந்து விண்ணில் ஏவப்படுகிறது.
