கேம்ப்ரிட்ஜ் பல்கலைக்கழக வளாகத்தில் ராமகதை தொடர்பான உபன்யாசத்தை, ஆன்மிக தலைவரான மொராரி பாபு நிகழ்த்தி வருகிறார். இந்த நிகழ்ச்சியில் சிறப்பு அழைப்பாளராக பிரிட்டன் பிரதமர் ரிஷி சுனக் கலந்து கொண்டு பேசினார் .
“இந்திய சுதந்திர தினத்தன்று, கேம்ப்ரிட்ஜ் பல்கலைக்கழகத்தில் மொராரி பாபுயின் ராம கதை நிகழ்ச்சியில் பங்கேற்றது உண்மையில் மகிழ்ச்சி அளிக்கிறது. நான் இங்கு பிரிட்டன் பிரதமராக வரவில்லை, ஹிந்துவாக வந்துள்ளேன். என்னை பொறுத்தவரை நம்பிக்கை மிகவும் தனிப்பட்டது. என் வாழ்க்கையின் ஒவ்வொரு அம்சத்திலும் அது என்னை வழிநடத்துகிறது.’ என்று கூறினார்.
மேலும் அவர்,”மொராரி பாபுவுக்கு பின்னால், தங்க நிறத்திலான ஹனுமன் படம் உள்ளது போல், எனது அலுவலகத்திலும் எனது மேஜை மீதும் விநாயகர் மகிழ்ச்சியுடன் அமர்ந்துள்ளார்” என்பதைப் பெருமையாக கருதுவதாக தெரிவித்தார்.
பிரிட்டன் நாட்டவராக இருப்பதையும், ஹிந்துவாக இருப்பதிலும் பெருமையாக கருதுகிறேன். சிறு வயதில் சகோதரருடன் சேர்ந்து கோயில்களுக்கு சென்றுள்ளேன். மொராரி பாபு பேசும், இராமாயணத்தையும், பகவத் கீதையையும் மற்றும் ஹனுமன் சாலீசாவையும் நினைவுகூர்ந்தார். என்னை பொறுத்தவரை, வாழ்க்கையின் சவால்களைத் தைரியத்துடன் எதிர்கொள்ளவும், பணிவுடன் ஆட்சி செய்யவும், தன்னலமின்றி பணியாற்றவும், கடவுள் இராமர் எப்போதும் உத்வேகமாக இருப்பார் எனக் கூறினார்.
முன்னதாக தனது பேச்சைத் தொடங்கிய போதும், நிறைவு செய்யும் போதும் ரிஷி சுனக் ‛ ஜெய் ஸ்ரீராம்’ எனக்கூறினார்.
