2021-ம் ஆண்டுக்கான 69-வது தேசிய திரைப்பட விருதுகள் அறிவிக்கப்பட்டுள்ளது. இதில், சிறந்த திரைப்படமாக ராக்கெட்ரி – நம்பி விளைவு தேர்வு செய்யப்பட்டுள்ளது.
2021-ம் ஆண்டுக்கான 69-வது தேசிய திரைப்பட விருதுகளை மத்திய அமைச்சர் அனுராக் தாகூர் இன்று முறைப்படி அறிவித்தார்.
இதில், சிறந்த திரைப்படமாக ராக்கெட்ரி – நம்பி விளைவு தேர்வு செய்யப்பட்டுள்ளது. சிறந்த நடிகருக்கான விருது அல்லு அர்ஜுனுக்கு (தி ரைஸ் பார்ட் 1) வழங்கப்பட்டுள்ளது.
அலியா பட் மற்றும் கிருத்தி சனோன் சிறந்த நடிகைக்கான விருதை வென்றுள்ளனர். சிறந்த துணை நடிகருக்கான விருதை பங்கஜ் திரிபாதியும், சிறந்த துணை நடிகைக்கான விருதை பல்லவி ஜோஷியும் பெற்றுள்ளனர்.
தேசிய ஒருமைப்பாட்டிற்கான சிறந்த திரைப்படத்திற்கான நர்கிஸ் தத் விருதை காஷ்மீர் ஃபைல்ஸ் திரைப்படம் பெற்றுள்ளது. சிறந்த பொழுதுபோக்கு திரைப்படத்திற்கான விருதை RRR திரைப்படம் தட்டிச் சென்றுள்ளது.
சிறப்பு பிரிவில், சிறந்த தமிழ் படமாக கடைசி விவசாயி திரைப்படம் தேர்வு பெற்றுள்ளது. சிறந்த பின்னணி பாடகியாக ஸ்ரேயா கோஷலும், சிறந்த பின்னணி பாடகராக கால பைரவாவும் தேர்வு பெற்றார்.
சிறந்த இந்தி திரைப்படமாக சர்தார் உத்தம் திரைப்படமும், சிறந்த மலையாளப்படமாக ஹோம் திரைப்படமும், சிறந்த கன்னட திரைப்பட பிரிவில் 777 சார்லி படமும் தேர்வாகியுள்ளது.
சிறந்த பின்னணி இசையமைப்பாளராக கீரவாணியும், சிறந்த இசையமைப்பாளராக (சிறந்த பாடல்) தேவிஸ்ரீ பிரசாத்தும் தேர்ந்தெடுக்கப்பட்டுள்ளனர்.
வெற்றி பெற்ற திரைப்படங்களுக்கும், வெற்றியாளர்களுக்கும் மத்திய அமைச்சர் அனுராக் தாகூர் பாராட்டும், வாழ்த்தும் தெரிவித்தார்
