சூரியனை ஆய்வு செய்யும் ஆதித்யா எல்-1 விண்கலம் செப்டம்பர் 2-ம் தேதி காலை 11.50 மணிக்கு விண்ணில் செலுத்தப்படும் என்று, இஸ்ரோ அதிகாரப்பூர்வமாக அறிவித்திருக்கிறது.
நிலவை ஆய்வு செய்யும் சந்திரயான்-3 விண்கலம் வெற்றியால் இஸ்ரோ அளவுகடந்த மகிழ்ச்சியில் இருக்கிறது. மேலும், குறைந்த செலவில் மிகப்பெரிய விண்வெளிச் சாதனையை படைத்து, வல்லரசு நாடுகளுக்கு இந்தியா சவால் விட்டிருக்கிறது. இதனால், ஒட்டுமொத்த உலக நாடுகளும் இஸ்ரோவின் ஆராய்ச்சி மற்றும் தொலைநோக்கு திட்டங்களைப் பார்த்து ஆச்சரியத்தில் மூழ்கி இருக்கின்றன.
இந்த நிலையில், சூட்டோடு சூடாக சூரியன் குறித்த ஆய்வை மேற்கொள்ளும் ஆதித்யா எல்-1 விண்கலத்தை செலுத்த இஸ்ரோ தயாராகி விட்டது. பி.எஸ்.எல்.வி-சி57 ராக்கெட் மூலம் செப்டம்பர் 2-ம் தேதி காலை 11.50 மணிக்கு விண்ணில் செலுத்தப்படவுள்ளதாக இஸ்ரோ அதிகாரப்பூர்வமாக அறிவித்திருக்கிறது.
ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தின் ஏவுதளத்தில் இருந்து சூரியனை நோக்கி ஆதித்யா எல்-1 விண்கலம் விண்ணில் செலுத்தப்படும் என்று தெரிவிக்கப்பட்டிருக்கிறது. மேலும், இந்த நிகழ்வை பொதுமக்கள் பார்வையிட அனுமதிக்கப்படுவர். இதற்காக https://lvg.shar.gov.in/VSCREGISTRATION/index.jsp என்ற இணையதளத்தில் பதிவு செய்யலாம் என்றும் இஸ்ரோ தெரிவித்திருக்கிறது.
🚀PSLV-C57/🛰️Aditya-L1 Mission:
The launch of Aditya-L1,
the first space-based Indian observatory to study the Sun ☀️, is scheduled for
🗓️September 2, 2023, at
🕛11:50 Hrs. IST from Sriharikota.Citizens are invited to witness the launch from the Launch View Gallery at… pic.twitter.com/bjhM5mZNrx
— ISRO (@isro) August 28, 2023
இந்த ஆதித்யா எல்-1 விண்கலத்தில் மொத்தம் 7 விதமான PayLoads இடம்பெற்றிருக்கும். இது சூரியனை தொலைவில் இருந்தபடியே ஆய்வு செய்யவுள்ளது. அதாவது, ஹாலோ எல்-1 என்ற சூரியனின் சுற்றுவட்டப் பாதைக்குச் சென்று ஆய்வை மேற்கொள்ளும். இதற்காக எல்.வி.எம்-3 என்ற ராக்கெட் விண்ணில் அனுப்பப்பட உள்ளது. ஹாலோ எல்-1 சுற்றுவட்டப் பாதையை அடைந்ததும் இஸ்ரோவிற்கு தகவல் அனுப்பத் தொடங்கிவிடும்.
சூரியனின் மேற்பகுதி எப்படி இருக்கிறது? இதிலிருந்து வெளிப்படும் வெப்பம்? சூரிய வெளிச்சம்? உள்ளிட்ட பல்வேறு விஷயங்கள் குறித்து ஆய்வு செய்யவுள்ளது. மேலும், சூரியனின் 3 விதமான படலங்களையும் ஆய்வு செய்கிறது. சூரியனை ஆய்வு செய்ய இஸ்ரோ பிரத்யேகமாக அனுப்பப்படும் முதல் விண்கலம் இது என்பது குறிப்பிடத்தக்கது. ஆதித்யா எல்-1 விண்கலம் வெற்றிபெற்றால் விண்வெளி ஆராய்ச்சியில் இஸ்ரோவும், இந்தியாவும் புதிய மைல்கல்லை எட்டும் என்பதில் சந்தேகமில்லை.
