அடுத்து வரும் நாடாளுமன்றத் தேர்தலில், பாஜக தலைமையிலான கூட்டணி அமோக வெற்றி பெறும் என்றும், மோடியே மீண்டும் பிரதமராக வருவார் என்றும் டைம்ஸ்நவ் கருத்துக் கணிப்பில் தெரிவிக்கப்பட்டுள்ளது.
மத்தியில் பிரதமர் மோடி தலைமையிலான பாஜக 2 முறை ஆட்சியைப் பிடித்துவிட்டது. அடுத்து, பாஜக மீண்டும் ஆட்சிப் பொறுப்புக்கு வரும்போது, ஹாட்ரிக் வெற்றி கொண்டாட உள்ளது. இதனால், மோடி மீண்டும் வெற்றி பெற வேண்டும் என பாஜக நிர்வாகிகள், தொண்டர்கள் கடுமையாக உழைத்து வருகின்றனர். இதனிடையே, காங்கிரஸ் தலைமையில் 26 கட்சிகள் இணைந்து இண்டியா கூட்டணியை உருவாக்கியுள்ளது.
இந்த நிலையில், நாடாளுமன்றத் தேர்தலில் 543 இடங்களில், எந்த ஒரு கட்சிக்கோ அல்லது கூட்டணிகள் இணைந்து ஆட்சியைப் பிடிக்க வேண்டும் என்றால் குறைந்தபட்சம் 272 இடங்களில் வெற்றி பெற வேண்டும்.
கடந்த 2 நாடாளுமன்றத் தேர்தல்களிலும் பாஜக தனிப் பெரும் கட்சியாக வெற்றி பெற்று ஆட்சியைப் பிடித்தது. அடுத்த ஆண்டு நாடாளுமன்றத் தேர்தல் நடைபெற உள்ளது.
இந்த நிலையில், அடுத்த பிரதமர் யார் என்றும், அடுத்து யார் ஆட்சி அமைப்பார்கள் என்றும் டைம்ஸ் நவ் சர்வே முடிவுகள் வெளியாகியுள்ளது.
இதில் பாஜகவின் என்டிஏ கூட்டணி 297 முதல் 317 வரையிலான இடங்கள் தனிப் பெரும்பான்மை பெற்று வெற்றி பெற்று மத்தியில் ஆட்சியைப் பிடிக்கும் என்று தெரிவிக்கப்பட்டுள்ளது. இந்தியா கூட்டணிக்கு 165 முதல் 185 இடங்கள் மட்டுமே கிடைக்கும் என கூறப்பட்டுள்ளது.
மாநிலக் கட்சிகளான ஓய்ஆர்எஸ் காங்கிரஸ் கட்சி 24 முதல் 25 இடங்களும், பிஆர்எஸ் கட்சிக்கு 9 முதல் 11 இடங்களும், ஒடிசாவில் ஆளும் கட்சியாக உள்ள பிஜு ஜனதா தளத்திற்கு 13 முதல்15 இடங்களும் கிடைக்கும் எனக் கூறப்பட்டுள்ளது.
டைம்ஸ் நவ் நடத்திய கருத்துக் கணிப்பின்படி நரேந்திர மோடி மூன்றாவது முறையாகப் பிரதமர் ஆவார் என்பது மீண்டும் உறுதி செய்யப்பட்டுள்ளது.
