ஒருநாள் உலகக்கோப்பை கிரிக்கெட் தொடரில் இன்றையப் போட்டியில் ஆப்கானிஸ்தான் அணி வெற்றி பெற 289 ரன்கள் இலக்கு.
ஒரு நாள் உலகக்கோப்பைத் தொடரின் இன்றையப் போட்டி சென்னையில் உள்ள எம். ஏ. சிதம்பரம் மைதானத்தில் நியூசிலாந்து மற்றும் ஆப்கானிஸ்தான் அணிகளுக்கு இடையே நடைபெற்றுவருகிறது.
இதில் டாஸ் வென்ற ஆப்கானிஸ்தான் அணியின் தலைவர் ஹஷ்மத்துல்லா ஷாஹிதி பந்துவீச்சை தேர்வு செய்தார். அதன்படி நியூசிலாந்து அணி முதலில் பேட்டிங் செய்தது.
நியூசிலாந்து அணியின் தொடக்க வீரர்களாக டெவோன் கான்வே மற்றும் வில் யங் ஆகியோர் களமிறங்கினர். இதில் டெவோன் கான்வே 18 பந்துகளில் 20 ரன்களும், வில் யங் 64 பந்துகளில் 54 ரன்களும் அடித்து ஆட்டமிழனத்தனர்.
அடுத்ததாக களமிறங்கிய ரச்சின் ரவீந்திரன் 41 பந்துகளில் 32 ரன்கள் எடுத்து ஆட்டமிழந்தார். இவரை தொடர்ந்து களமிறங்கிய நியூசிலாந்து அணியின் கேப்டன் டாம் லதாம் 74 பந்துகளில் 68 ரன்களை அடித்து ஆட்டமிழந்தார். இவருடன் விளையாடி வந்த க்ளென் பிலிப்ஸ் தன்னுடைய சிறப்பான ஆட்டத்தை வெளிப்படுத்தி 80 பந்துகளில் 71 ரன்களை எடுத்தார்.
இதனால் 50 ஓவர்கள் முடிவில் நியூசிலாந்து அணி 6 விக்கெட்கள் இழப்பிற்கு 288 ரன்களை எடுத்துள்ளது. மேலும் ஆப்கானிஸ்தான் அணியில் அதிகபட்சமாக நவீன்-உல்-ஹக் மற்றும் அஸ்மத்துல்லா உமர்சாய் ஆகியோர் தலா 2 விக்கெட்களை வீழ்த்தினர்.
இதனால் ஆப்கானிஸ்தான் அணி வெற்றி பெற 289 ரன்கள் இலக்காக உள்ளது.
