மக்களின் பணத்தை கொள்ளையடித்து ராஜஸ்தான் மாநிலத்தையே காங்கிரஸ் கட்சி அழித்து விட்டது என்று பாரதப் பிரதமர் நரேந்திர மோடி குற்றம்சாட்டினார்.
ராஜஸ்தான் மாநிலத்தில் வரும் 25-ம் தேதி சட்டமன்றத் தேர்தல் நடைபெறுகிறது. இம்மாநிலத்தில் முதல்வர் அசோக் கெலாட் தலைமையிலான காங்கிரஸ் கட்சியின் ஆட்சி நடந்து வருகிறது. இம்மாநிலத்தைப் பொறுத்தவரை, ஆளும் காங்கிரஸ் கட்சிக்கும், பா.ஜ.க.வுக்கும் இடையே நேரடிப் போட்டி நிலவுகிறது. இதனால், இரு கட்சிகளின் தலைவர்களும் தீவிரப் பிரச்சாரத்தில் ஈடுபட்டு வருகின்றனர்.
அந்த வகையில், பாரதப் பிரதமர் நரேந்திர மோடி இன்று ராஜஸ்தான் மாநிலம் சுருவிலுள்ள தாராநகர் மற்றும் ஜுன்ஜுனுவில் நடந்த பொதுக்கூட்டங்களில் பேசுகையில், “இப்போது நாடு முழுவதும் கிரிக்கெட் ஆர்வத்தால் நிறைந்திருக்கிறது. கிரிக்கெட்டில் ஒரு பேட்ஸ்மேன் வந்து தனது அணிக்காக ரன் குவிக்கிறார். அவர்களிடையே சண்டை இருக்கிறது. ஆனால், அவர்கள் பரஸ்பரம் ஓடுவதில் மும்முரமாக இருப்பதாக காங்கிரஸ் கட்சி கூறுகிறது. ஒருவரையொருவர் வெளியேற்றுவதில் காங்கிரஸ் ஆட்சியின் 5 ஆண்டுகள் கழிந்துவிட்டன.
ராஜஸ்தான் ஒரு துணிச்சலான பூமி. இந்த மாநில மகன்களின் வீரம் முழு நாட்டையும் பாதுகாப்பாக வைத்திருப்பதில் பெரும் பங்கு வகிக்கிறது. அப்படிப்பட்ட மண்ணின் குழந்தைகளை ஏமாற்ற காங்கிரஸ் எந்த சந்தர்ப்பத்தையும் விட்டு வைக்கவில்லை.
‘ஒரே பதவி ஒரே ஓய்வூதியம்’ பிரச்சனையில் காங்கிரஸ் இங்குள்ள துணிச்சலானவர்களை பல தசாப்தங்களாக சிக்கலில் வைத்திருந்தது. அவர்களை தவறாக வழிநடத்தியதோடு, மிகவும் கஷ்டப்படுத்தியது.
நீங்கள் பா.ஜ.க.வை தேர்வு செய்தால், ராஜஸ்தானில் இருந்து ஊழல்வாதிகளின் அணியை தூக்கி எறிவோம். பா.ஜ.க. வளர்ச்சியை துரிதப்படுத்தும். இதன் மூலம் ராஜஸ்தானுக்கும், ராஜஸ்தானின் எதிர்காலத்திற்கும், ராஜஸ்தானின் தாய்மார்களுக்கும், சகோதரிகளுக்கும், இளைஞர்களுக்கும், விவசாயிகளுக்கும் வெற்றி கிடைக்கும். காங்கிரஸின் கொள்ளை உரிமத்தின் முழுக் கதையும் லால் டைரியில் பதிவாகி, தற்போது மெல்ல மெல்ல டைரியின் பக்கங்கள் திறக்க ஆரம்பித்திருக்கின்றன.
நாட்டில் இன்று கோடிக்கணக்கான மக்கள் இலவச மருத்துவ சேவைகளைப் பெறுகின்றனர். மக்கள் மருந்தகங்களில் 80% தள்ளுபடியில் மருந்துகள் வழங்கப்படுகின்றன.
100 ரூபாய் மதிப்புள்ள மருந்து 20 ரூபாய்க்கு கிடைக்கிறது. இதனால், ஏழைகளின் மொத்த ரூபாய் 1.25 லட்சம் கோடி சேமிக்கப்பட்டிருக்கிறது.
கடந்த 5 ஆண்டுகளில் தனது எம்.எல்.ஏ.க்களும் வேட்பாளர்களும் எந்தப் பணியையும் செய்யவில்லை என்பதை முதல்வர் கெலாட் பொதுவெளியில் ஏற்றுக்கொண்டிருக்கிறார்.
இதற்குக் காரணம், ராஜஸ்தானில் மந்திரவாதி மற்றும் பாசிகர் விளையாட்டு நடந்து வருகிறது. இதற்கிடையே, காங்கிரஸ் தலைவர்கள் பணத்தை கொள்ளையடிப்பதில் மும்முரம் காட்டினர். ராஜஸ்தானை அழித்த காங்கிரஸ் மீண்டும் இங்கு ஆட்சிக்கு வர வேண்டுமா?” என கேள்வி எழுப்பினார்.
