தேசிய ஹாக்கி : சண்டிகரை வீழ்த்தியது ஜார்கண்ட் !

தேசிய சீனியர் ஆடவர் ஹாக்கி சாம்பியன்ஷிப்பில் 6 ஆம் நாள் போட்டியில் ஜார்கண்ட் 2-0 என்ற கோல் கணக்கில் சண்டிகரை வீழ்த்தியது.

13 வது தேசிய சீனியர் ஆடவர் ஆக்கி சாம்பியன்ஷிப் போட்டி தொடர் நடைபெற்றுவருகிறது. நவம்பர் 18 தொடங்கிய இப்போட்டிகள் நவம்பர் 28 ஆம் தேதி வரை நடைபெறவுள்ளன.

இதில் நேற்று மொத்தமாக ஐந்து போட்டிகள் நடைபெற்றது.

சத்தீஷ்கார் – குஜராத் ; டாமன் டையூ – பீகார் ; பெங்கால் – ஜம்மு காஷ்மீர்; ஜார்கண்ட் – சண்டிகார் ; தெலுங்கானா – அருணாசல பிரதேசம்.

இதில் ஜார்கண்ட் மற்றும் சண்டிகார் அணிகளுக்கிடையேனா போட்டியில் ஜார்கண்ட் 2-0 என்ற கோல் கணக்கில் சண்டிகரை வீழ்த்தியது.

இப்போட்டியில் ஆரம்பத்தில் இருந்து இரு அணிகளும் கோல் அடிக்க கடுமையாக போராடி வந்தனர். இரு அணி வீரர்களாலும் கோல் அடிக்க முடியாமலே இருந்தது. முதல் பாதி முடிவில் இரு அணிகளும் ஒரு கோல் கூட அடிக்காமல் இருந்தனர்.

அப்போது 43 வது நிமிடத்தில் ஜார்கண்ட் அணியின் வீரர் கெர்கெட்டா பிரேம் ஒரு கோல் அடித்தார். பின்னர் 56 வது நிமிடத்தில் ஜார்கண்ட் அணியின் வீரர் அனுருத் பெங்ரா ஒரு கோல் அடித்தார்.

இதனால் ஜார்கண்ட் 2-0 என்ற கோல் கணக்கில் சண்டிகரை வீழ்த்தியது.