ஆஸ்திரேலிய அணியின் மிட்செல் ஸ்டார்க்கை ரூபாய் 24 கோடியே 75 இலட்சத்துக்கு கொல்கத்தா நைட் ரைடர்ஸ் அணி ஏலத்தில் எடுத்தது. இதுவே இதன் மூலம் ஐபிஎல் வரலாற்றில் அதிக விலைக்கு எடுக்கப்பட்ட வீரர் என்ற சாதனையைப் பெற்றுள்ளார்.
இது குறித்து மிட்செல் ஸ்டார்க் கூறுகையில், உலகின் தலைசிறந்த டி20 தொடருக்குத் திரும்பியது மகிழ்ச்சியளிக்கிறது. ஷ்ரேயாஸ் ஐயரின் கேப்டன்சியின் கீழ் விளையாடுவதற்கும், அவரது சிந்தனை செயல்முறையைப் புரிந்து கொள்வதற்கும் நான் மிகவும் ஆர்வத்துடன் காத்திருக்கிறேன் என்று கூறினார்.
ஆஸ்திரேலிய கேப்டன் பேட் கம்மின்ஸை ரூபாய் 20 கோடியே 50 இலட்சத்துக்கு ஹைதராபாத் அணி ஏலத்தில் எடுத்தது. ஷிவம் மாவி ரூபாய் 6 கோடியே 40 இலட்சத்துக்கு லக்னோ அணியாலும், ஷாருக்கான் ரூபாய் 7 கோடியே 40 இலட்சத்துக்கும், உமேஷ் யாதவ் ரூபாய் 5 கோடியே 80 இலட்சத்துக்கும் குஜராத் அணியால் ஏலத்தில் எடுக்கப்பட்டுள்ளனர். ஹர்ஷல் படேல் ரூபாய் 11 கோடியே 75 இலட்சத்துக்கும், ரூசோ ரூபாய் 8 கோடிக்கும், க்ரிஸ் வோக்ஸ் ரூபாய் 4 கோடியே 20 இலட்சத்துக்கும் பஞ்சாப் அணியால் ஏலத்தில் எடுக்கப்பட்டுள்ளனர்.
அல்சாரி ஜோசப் ரூபாய் 11 கோடியே 50 கோடிக்கும், யஷ்தயாள் ரூபாய் 5 கோடிக்கும், டாம் கரண் ரூபாய் 1 கோடியே 50 இலட்சத்துக்கும் பெங்களூர் அணியால் ஏலத்தில் எடுக்கப்பட்டுள்ளனர்.
அதே சமயம் அனுபவம் வாய்ந்த பல முன்னணி வீரர்களை யாரும் ஏலத்தில் எடுக்காத நிலையும் இருந்துள்ளது. அந்த வரிசையில், ஆஸ்திரேலியாவின் ஸ்டீவ் ஸ்மித், ஹேசில்வுட், இலங்கையின் குசால் மெண்டீஸ், இங்கிலாந்தின் பிலிப் சால்ட், நியூசிலாந்து அணியின் கூலின் முன்ரோ, ஃபின் ஆலன், ப்ரேஸ்வெல், ஜேம்ஸ் நீசம், கெயில் ஜேமிசன், இந்தியாவின் முருகன் அஷ்வின், மணன் வோஹ்ரா, கருண் நாயர், சர்பராஷ் கான், விஷ்ணு சோலான்கி, கே.எம்.ஆசிஃப் போன்ற வீரர்களை யாரும் ஏலத்தில் எடுக்கவில்லை.
சென்னை அணியைப் பொருத்தவரை, 6 வீரர்கள் ஏலத்தில் எடுக்கப்பட்டுள்ளனர். டேரில் மிட்செல் ரூபாய் 14 கோடிக்கும், சமீர் ரிஸ்வி ரூபாய் 8 கோடிக்கு 4 இலட்சத்துக்கும், ஷர்துல் தாகூர் 4 கோடிக்கும், நியூசிலாந்தின் ரச்சின் ரவீந்திரா 1 கோடியே 8 இலட்சத்துக்கும், முஷ்தபிஷர் ரஹ்மான் ரூபாய் 2 கோடிக்கும், அவனிஷ் ராவ் ரூபாய் 20 இலட்சத்திற்கும் ஏலத்தில் எடுக்கப்பட்டுள்ளனர்.
