மலேசியா ஓபன் சர்வதேச பேட்மிண்டன் இரட்டையர் பிரிவில் இந்திய அணியின் சாத்விக் சாய்ராஜ் ரங்கிரெட்டி- சிராக் ஷெட்டி ஜோடி வெற்றி பெற்று இரண்டாவது சுற்றுக்குள் நுழைந்துள்ளது.
கோலாலம்பூரில் மலேசியா ஓபன் சர்வதேச பேட்மிண்டன் போட்டி நடைபெற்று வருகிறது. இந்த தொடரில் நேற்று ஆண்கள் ஒற்றையர் பிரிவு முதல் சுற்று நடைபெற்றது.
இதில் இந்திய அணியின் சார்பாக எச்.எஸ். பிரனாய் பங்குபெற்றார். இவருடன் டென்மார்க் வீரர் ஆன்டர்ஸ் அன்டோன்சென் மோதினார்.
இந்த போட்டியில் இந்திய வீரர் எச்.எஸ். பிரனாய் 14-21, 11-21 என்ற நேர் செட் கணக்கில் ஆன்டர்ஸ் அன்டோன்சென்னிடம் தோல்வியைத் தழுவினார்.
இதனைத் தொடர்ந்து நேற்று நடைபெற்ற மற்றொரு போட்டியில் இந்திய வீரர் லக்ஷயா சென் பங்குபெற்றார். இவருடன் சீன வீரர் வெங் ஹாங் மோதினார்.
இந்தப் போட்டியில் சீன வீரர் வெங் ஹாங் 15-21, 16-21 என்ற நேர் செட் கணக்கில் வெற்றி பெற்றார்.
இதைத் தொடர்ந்து நேற்று இரட்டையர் பிரிவு முதல் சுற்று நடைபெற்றது. இதில் இந்திய அணி சார்பாக சாத்விக் சாய்ராஜ் ரங்கிரெட்டி – சிராக் ஷெட்டி ஜோடி விளையாடியது.
இவர்களுடன் இந்தோனேசியாவின் முகமத் ஷோஹிபுல் பிக்ரி – பகாஸ் மலானா ஜோடி மோதியது. இந்த போட்டியில் சாத்விக் சாய்ராஜ் ரங்கிரெட்டி- சிராக் ஷெட்டி ஜோடி 21-18, 21-19 என்ற செட் கணக்கில் முகமத் ஷோஹிபுல் பிக்ரி – பகாஸ் மலானா ஜோடியை வீழ்த்தி 2வது சுற்றுக்குள் முன்னேறியது.
