அயோத்தி ராமர் கோவில் திறப்பு விழா டிடி தமிழ் தொலைக்காட்சியில் நேரலையாக ஒளிபரப்பப்படும் என மத்திய இணை அமைச்சர் எல்.முருகன் தெரிவித்துள்ளார்.
பிரதமர் மோடி இன்று சென்னையில் மாலை கேலோ இந்தியா விளையாட்டு போட்டிகளைத் துவக்கி வைக்கிறார். இதனைத் தொடர்ந்து டிடி பொதிகை தொலைக்காட்சி சேனலை புதிய மாற்றத்துடன், பொது மக்கள் விரும்பும் வகையில் டிடி தமிழ் என மாற்றி அமைக்கப்பட்ட சேனலை தொடங்கி வைக்கிறார்.
இது தொடர்பாக செய்தியாளர்களுக்கு பேட்டியளித்த மத்திய இணையமைச்சர் எல்.முருகன், தமிழத்தின் மூலைமுடுக்குகளில் உள்ள கிராமங்களுக்கும் மத்திய அரசின் தகவல் ஒளிபரப்புச் சேவைகள் கிடைக்கும் வகையில் ரூ.2,500 கோடி நிதி ஒதுக்கப்பட்டுப் பணிகள் வேகமாக நடைபெற்று வருகின்றன.
டிடி பொதிகை தொலைக்காட்சி ரூ.40 கோடியில் புதுப்பிக்கப்பட்டுள்ளது. அந்த வகையில், புதிய வடிவிலான டிடி தமிழ் தொலைக்காட்சி சேவை ஒளிபரப்பு தொடங்க உள்ளது. டிடி தமிழ் தொலைக்காட்சியில் அயோத்தி ராமர் கோவில் திறப்பு விழா நேரலையில் ஒளிபரப்பப்படும் என்றார்.
